Novo Sendeiro xorde para tender pontes entre cidadanía, administracións e empresas. Unha iniciativa pioneira en Galicia para traballarmos xuntos no Plan Especial de Labañou e a futura transformación do barrio.

A través de diferentes encontros con representantes municipais, entidades locais, así coma veciños e veciñas da contorna, abordaremos conxuntamente aspectos que poidan atender mellor aos problemas cotiás da zona e aos grandes desafíos da cidade.

Hai unha necesidade crecente de construir contornas urbanas de calidade, máis accesibles e próximas; que teñan sido deseñadas xunto aos seus verdadeiros protagonistas. Isto implica unha maneira diferentre de facermos cidade, onde se teña en conta a opinión e a experiencia dos cidadáns na toma de decisións.