O 19 de maio organizouse a primeira acción participativa de diagnose, un paseo polo ámbito deseñado para xerar un espazo de encontro e mediación, onde xuntar aos distintos axentes para escoitarse e aprender uns dos outros.
Esta visita guiada foi unha acción iniciática ou experimental para comprobar e medir que acontecería ao mezclarmos axentes con visións e intereses tan dispares sobre o futuro da zona. Ao contrario que nas entrevistas individuais o compoñente de mediación necesario foi importante, realizado fóra dos despachos, camiñando xuntos no terreno, veciños, promotora e arquitecto redactor do proxecto. Un formato pensado para fomentar as conversas informais e o diálogo entre os participantes. Nun exercicio final de síntese, recolléronse as súas achegas en dúas pizarras que contiñan as preocupacións ou inquedanzas máis recorrentes, así coma as oportunidades e esperanzas que poden traer un proxecto e proceso coma este.