No marco do acordo de colaboración que formalizamos co CEE Ntra. Sra. de Lourdes de ASPRONAGA e a Escola Universitaria de Deseño Industrial de Ferrol (Universidade da Coruña), o 11 de decembro celebramos a primeira sesión conxunta entre estudantes de ambas as institucións, para a redacción dun “Manual urbanismo universal e prototipado de mobiliario específico para o PE de Labañou”
Durante esta primeira sesión, denominada PERCORRIDO e EXPERIENCIA, realizouse un paseo a pé por distintos sitios estratéxicos da cidade como a estación de autobuses, o parque de Oza e o mercado de Elviña. O obxectivo era que os estudantes da EUDI puidesen experimentar en primeira persoa as problemáticas e dificultades que atopan as persoas con capacidades diferentes ao habitar as contornas urbanas da cidade.
