O 3 de maio de 2023 tivo lugar o Taller de Co-creación sobre “Dinamización económica e comercio” aberto á cidadanía e a comerciantes locais. Un espazo para debater e traballar sobre a situación actual do comercio na zona e o seu futuro dentro da proposta de ordenación do Plan Especial de Labañou.
Á oficina acudiron veciños interesados, comerciantes locais e unha representación da FUCC (Federación Unión de Comercios Coruñesa) xunto co arquitecto redactor do proxecto e unha representación da parte promotora.
Foi unha xornada de intenso debate onde se recibiron propostas ao redor da problemática xeral que expón o comercio en Labañou e o seu futuro no barrio co desenvolvemento do Plan Especial en 4 temáticas concretas:
1. A dificultade para alugar baixos comerciais. Prezos altos. Ausencia de axudas desde o público e desde o privado.
2. A situación contemporánea. Como se vió afectado o comercio tras a pandemia e co auxe das vendas en liña.
3. Desconexións. A desconexión do barrio respecto ao resto da cidade. Falta de autobuses e outros medios de transporte público. Grandes desprazamentos dos habitantes para comprar o necesario.
4. O comercio tradicional de barrio respecto ao das grandes superficies. Labañou ten comercios auténticos e con soleira fronte a un comercio de grandes superficies con menos personalidade. C.C. Os Rosales está en desuso. É necesario elaborar un Plan de comercio local con estratexias concretas para a zona.
