O 10 de maio de 2023, tivo lugar o terceiro e último Taller de Co-creación aberto a veciños e asociacións de Labañou para tratar de canalizar o seu coñecemento sobre o barrio en propostas que puidesen mellorar o Plan Especial. Nun primeiro momento, tratáronse as necesidades que se perciben desde a cidadanía en temas de espazo público, dotacións, transporte, imaxe urbana e outras melloras posibles.
A sesión contou coa colaboración do ilustrador David Cárdenas que dinamizou a sesión debuxando sobre un gran panel exposto na Oficina de Participación as distintas situacións e propostas que xurdiron durante a sesión, identificando os aspectos e calidades do barrio para protexer, a eliminar e a introducir na proposta de transformación urbanística e culminando coa representación de tres propostas concretas elaboradas integramente polos veciños asistentes.
