O 18 de decembro realizamos o Taller Experimental de Intelixencia Artificial co curso de Construción Sostible do Centro Integrado de Formación Profesional SOMESO. No marco do acordo de colaboración formalizado con esa institución, o taller desenvolveuse nas instalacións do centro onde se utilizou a IA para pensar e proxectar, en tempo real, cuestións relativas ao deseño do espazo público e ás actividades que poderían desenvolverse no devandito espazo do proxecto urbano.
Para realizar o exercicio tivéronse en conta os aspectos máis relevantes dos resultados dos talleres de co-deseño realizados no primeiro semestre do ano cos veciños de Labañou e entidades locais.
Traballouse cos seguintes elementos:
Espazos públicos de calidade, heteroxéneos e peonís; Terrazas verdes e naturais; Plantación de especies autóctonas; Accesibilidade universal; Proteccións climáticas; Áreas de xogo e deporte ao aire libre; Corredores visuais que garantan a conexión do desenvolvemento urbanístico co mar; Incorporación do Centro Cultural María Pita.
