Tras a primeira fase de consulta e diálogo coa cidadanía, vanse incorporando variacións ao proxecto para unha maior integración na controna: homoxeneizáronse as alturas dos bloques, sempre preservando os corredores visuais desde o barrio colindante cara o mar e garantindo a permeabilidade peatonal en todo o ámbito.
O proceso de escoita realizado foi un dos factores determinantes para tomar esta decisión; xa que, tras os diferentes encontros cos colectivos cidadáns, evidenciuse que as alturas eran un dos aspectos que xeraba maior inquedanza, mentres que outras características do proxecto, por contra, foron valoradas coma oportunidades para o barrio. Razón pola que, tras analizar as diferentes opcións, se desenvolveu a que se entende é a mellor alternativa para dar resposta ás achegas recibidas.
